जायंट मीटरव्हेव रेडिओ टेलिस्कोप म्हणजेच GMRT ही खोडद – नारायणगावस्थित एक रेडिओ दुर्बीण आहे. ह्या दुर्बिणीच्या आवारात (कॅम्पस मध्ये) दर वर्षी राष्ट्रीय विज्ञान दिन (२८ फेब्रुवारी) मोठ्या प्रमाणात साजरा होतो. राष्ट्रीय विज्ञान दिवस आणि त्या नंतरचा एक दिवस असे दोन दिवस भव्य विज्ञान प्रदर्शनाचं आयोजन केलं जातं.
अशी प्रदर्शनं काय देतात? तर भौतिक सुख ह्या दृष्ट्या काहीच नाही! पण प्रचंड प्रमाणात प्रेरणा मिळते, विज्ञान प्रेमींच्या, शास्त्रज्ञांचा सहवासात राहून खूप काही शिकायला मिळतं, आयुष्यात वेगळं काहीतरी करण्यासाठी प्रोत्साहन मिळतं, विज्ञानाची अफाट शक्ती कळते, विज्ञानाप्रती कुतूहल निर्माण होतं! आणि हे सगळं एक वेगळाच शब्दात न मांडता येणारा आनंद देऊन जातं.
